Për gati 48 orë, do të ndalohet qarkullimi i mjeteve të tonazhit të rëndë nga pika kufitare e Kapshticës drejt Greqisë.
Pala greke njofton se nga dogana e Kapshticës, do të bllokohet qarkullimi i kamionëve nga ora 06:00 e datës 5 Janar deri në datën 6 Janar në orën 23:59 në drejtim të Greqisë.
Autoritetet greke kanë njoftuar edhe Policinë Shqiptare për këtë ndalim të qarkullimit, duke thënë se kjo masë është marrë për të shmangur problemet dhe vështirësitë në qarkullim, si pasojë e prezencës të akullit në rrugë.
Do të lejohet kalimi i autoveturave dhe autobusëve të cilët duhet të jenë të pajisur me zinxhirë. Policia Kufitare apelon drejtuesit e mjeteve të tonazhit të rëndë, që kanë planifikuar lëvizjen për në shtetin grek nëpërmjet pikës kufitare Kapshticë, ta shmangin ose të përdorin pikat e tjera të kalimit kufitar me Greqinë, deri në normalizimin e situatës. /tvklan.al
