2 persona kanë humbur jetën në një aksident tek zona e ”Xhamllikut” në kryeqytet. Ngjarja ka ndodhur në rrugën ‘Xhanfize Keko’.
Prej një parakalimi të gabuar dhe shpejtësisë së lartë ndërroi jetë 36- vjeçari Erion Balla dhe një grua, Hidajete Salliu, 72 vjeçe .
Po ashtu janë plagosur edhe dy shoferët e makinave, Edmond Murati dhe Eljon Lazri, ky i fundit i shtruar në spital prej lëndimeve të marra.
Pak më parë “Ballkanweb” ka publikuar pamjet e aksidentit tragjik.
Gazetarja Dorjana Bezat raporton se automjeti tip ‘Golf 5’ sapo do kthehej në rrugë dytësore kur nga mbrapa po vinte automjeti tip ‘‘Volkswagen New Beatle”.
Golf-i i preu rrugën automjetit tjetër duke i prishur ekulibrin. Nga pamjet duket se si automjeti tjetër del nga rruga dhe më pas përplas këmbësorët për vdekje.
