Mirësevini në Anglinë e vitit 1814.
Sot do të flasim për një nga serialet më të famshëm anglezë “Taboo” me në qendër një aktor super të preferuar.
Heroi ynë, nëse mund ta quajmë të tillë, është James Keziah Delaney, (Tom Hardy) një rebel i cili supozohej se kishte vdekur 10 vite më parë pas fundosjes së një anijeje me skllevër.
Por Delaney shfaqet i gjallë dhe kthehet në Londër pas vdekjes së babait të tij për të zgjidhur disa probleme që kanë të bëjnë me trashëgiminë e tij dhe gruan që do.
Në këtë pikë disa nga ju mund të thonë se historia ngjan me atë të Poldark (lexo këtu)!
Po ngjan, vetëm se Ross Poldark nuk ishte një hero djallëzor që ka një dëshirë për të rrahur shumicën e njerëzve dhe një pasion të mbajtur të thellë në shpirt për gjysmë motrën e tij.
Ne po ju sjellim sot disa arsye për të parë serialin e ri të Tom Hardy-t, “Taboo”, i cili nuk do t’ju zhgënjejë.
Arsyeja e parë që mjafton: Tom Hardy
Nëse jeni një fans i madh i Tom Hardy-t (s’bën vaki të mos jeni), nuk duhet ta humbisni serialin. Maskuiliteti i egër, tipi agresiv dhe i ftohtë, e bëjnë Hardy-n një personazh kryesor ndryshe. Një histori e vendosur në vitet 1800 e James Delaney, i cili ka gjetur fundin e botës.
I harruar dhe i shpallur i vdekur, kthehet në Londër nga Afrika si një person komplet i ndryshëm nga ai i pari, për të kërkuar shpagim e drejtësi për pasurinë e babait te tij.
Filmi është një krijim i Tom Hardy-t, Chips Hardy (babai i Tom e njëkohësisht producent), Steven Knight (që ka krijuar poashtu edhe kryeveprën tjetër televizive Peaky Blinders) dhe producent ekzekutiv Ridley Scott.
Kast i mrekullueshëm!
Që në episodin e parë do ta gjesh veten duke thënë: “Unë e njoh këtë fytyrë!”. Kjo për shkak se seriali është i mbushur me aktorë të filmave më të njohur në dekadën e fundit.
Jonathan Pryce (Pirates of the Caribbean, Game of Thrones) i cili luan Sir Stuart Strange, kreu dashakeq i Ndërmarrjes Tregtare të Indisë Lindore, Tom Hollander (Pirates of the Caribbean: Dead Man’s Chest, The Night Manager) Oona Chaplin (mbesa e Charlie Chaplin!) si gjysmë motra e personazhit të Tom Hardy-t dhe dashuria e tij, dhe Michael Kelly si spiun amerikan.
Historia e veçantë
Historia përqendrohet tek James Delaney, i cili trashëgon një pjesë të tokës që është me interes strategjik për kolonitë amerikane, Perandorinë Britanike dhe kompaninë e tregtimit të Indisë Lindore.
Delaney ka një të kaluar të fshehtë që përfshin magji, kanibalizëm dhe vrasje, gjë që e bën atë të kërkojë hakmarrje ndaj subjekteve që i kanë bërë drejtësi. Ai jo vetëm që synon të krijojë një perandori tregtare për të garuar me Kompaninë e Tregtisë në Indinë Lindore, por synon ta ndërtojë atë me gjak.
Delaney kryen rituale, përjeton halucinacione dhe ndjek praktika “magjike” të cilat mund ta ndihmojnë atë në përpjekjen e tij për t’u bërë një manjati i fuqishëm i biznesit. Të kesh “miq në anën tjetër të jetës” mund të jetë gjëja më me vlerë për të!
Theksi, të mbetet në mendje!
Theksi britanik i Tom-, hungërimat e herëpashershme të tij dhe kostumografia krijojnë një personazh që të mbetet gjatë në mendje.
Hardy ka qenë i bindur se në çdo episod toni i serialit ndryshon plotësisht, nga horrorri kthehet në përrallë, tek misteri, dhe nga episodi i tetë, gjithçka që keni parë përfundon duke mos qenë ashtu siç duket.
/Iconstyle.al
