Nuk ishte vetëm Taylor Swift ajo që kritikoi videon e fundit të reperit Kanye West. Një reagim lidhur me videon që përfshin imazhin e disa të famshmëve, figura e të cilëve është realizuar me dyllë, ka ngritur zërin jo vetëm të atyre që janë bërë pjesë e saj, por edhe shumë kolegëve të tyre.
“Kjo nuk është aspak “e këndshme” ose madje as “art”, shkruan aktorja Lena Dunham. Ajo e cilësoi videon të shpifur, të sëmurë dhe të pasigurt për femrat. Ndërsa shkruan se ajo ka shumë respekt për familjen Kardashian-Jenner dhe vetë Kanye, ajo shkruan se publikimi i imazheve pa lejen e tyre i bënë këto femra të pasigurta. “Nuk më duket interesante, sepse të shikoja një femër që doja si Taylor Swift, një femër që admiroja si Rihanna ose Anna, të reduktuara në një palë gjokse prej dylli, më bën të ndihem e mërzitur dhe e pasigurt dhe e shqetësuar për vajzat adoleshente, që e shikojnë këtë dhe nuk e kuptojnë”, shkruan ajo në profilin e saj në “Facebook”.
Videoja muzikore e “Famous”, përcjell pamjet e 12 njerëzve të famshëm duke fjetur të gjithë në të njëjtin shtrat në krah të Westi-it të shtrirë në mes bashkë me bashkëshorten, Kim Kardashian.
Ajo që besohet të jetë kopja prej dylli e ish-presidentit George W Bush i bashkohet figurave të botueses së “Vogue”, Anna Wintour, reperit Chris Brown, këngëtarit të R&B Ray J, transgenderit Caitlyn Jenner, modeles Amber Rose dhe këngëtares Rihanna.
Realizimi i videos është frymëzuar nga piktura e artistit Vincent Desiderio, “Gjumi”, e cila bashkon në gjumë njerëz të ndryshëm të zhveshur e një pjesë, të mbuluar deri diku me çarçafë.
“Famous” është pjesë e albumit “The Life of Pablo”, e më shumë sesa muzika, vëmendjen që në fillim e tërhoqën pamjet e çuditshme të klipit, ku mendohet se disa prej personazheve mund të kenë pozuar ashtu vërtet.
Burimi: Harper’s Bazaar
