Kur rezultatet e referendumit Evropian u zbuluan mëngjesin e së premtes, shumica e njerëzve kishte diçka për të thënë lidhur me to. Dhe tani, disa nga imazhet e industrisë së modës kanë gjithashtu për të thënë fjalën e tyre, përfshirë drejtorin kreativ të Chanel, Karl Lagerfeld, që e cilësoi atë si një “moment marrëzie”.
“Shikoni kush votoi, ishin njerëzit nga fshatrat e thellë, qytetet e mëdha nuk e donin farë. Unë nuk mendoj se do të funksionojë. Ata mund të kenë një tjetër votim. Unë nuk mendoj se është një ide e mirë. Analizat e votimeve tregojnë se ishte një vendim i keq. Ne nuk është e nevojshme të themi më shumë rreth saj”, tha Lagerfeld.
Ai nuk është figura e vetme e industrisë së modës që kritikoi rezultatet. Fotografi i famshëm, Nick Knight, përdori profilin e tij në “Instagram” për të shprehur ndjenjat e tij: “Jam i turpëruar, i neveritur, zemërthyer dhe shumë, shumë i zemëruar”.
Jonathon Anderson, drejtori kreativ i Loewe, shtoi: “Është vërtetë e trishtuar. Njerëzit ishin shumë konfuzë se për çfarë po votonin… Kjo është një makth”.
Nuk është surprizuese që industria e modës është në kundërshtim me Brexit, ndërsa sondazhi BFC zbuloi se 90 për qind e dizajnuesve britanikë të modës të pyetur mbështesnin fushatën për të qëndruar në Bashkimin Evropian.
Burimi: Harper’s Bazaar
