Dimri ka trokitur dhe zgjedhja më e mirë që mund të bësh për ta përballuar të ftohtin janë këto veshje stil, me ngjyra të guximshme, por edhe shumë të ngrohta njëkohësisht.
Blogerja e njohur shqiptare Linda Dido ka ndarë me ndjekësit e “Iconstyle.al” 3 veshjet dhe detajet më ‘in’ të sezonit që duhet t’i kemi me patjetër, nëse duam që të mos kalojmë dimrin me grip.
Veshjet skoceze
Veshjet me kuadrate të frymëzuara nga skocezët janë një nga veshjet që nuk dalin kurrë nga moda, janë të ngrohta, komode dhe shumë elegante. Të përdorura tek pantallonat, fundet, palltot, shallet apo fustanet ato transmetojnë gjithmonë elegancë dhe profesionalizëm. Këto veshje janë ideale për punë, takime me rëndësi, mbrëmje dhe përditshmëri. Veshjet skocez përbëhet nga printe me kuadrate të ndryshme dhe është trendi më i fortë në sezonin e ftohtë.
Pallto oversize
Me të gjitha modelet, ngjyrat, gjatësitë, këtë pallto do ta shihni në çdo vitrinë, ndaj konsiderojeni si propozimin e stinës. Palltoja oversize kombinohet dhe përshtatet për çdo rast, mund të vishet me taka ose me atlete. Nuk ka rëndësi materiali, mjafton që ju të jeni ngrohtë dhe çdo gjë tjetër është në rregull.
Perlat
Nëse dëshironi të ndiqni vetëm një rregull mode, është vetëm ky: Shtoni perla në çdo veshje apo aksesor. Ky është detaji që nuk duhet të mungojë në pamjen tuaj, nëse dëshironi ta bëni atë të duket luksoze. Nëse kishit dyshime për përdorimin e perlave, duhet të dini që tani është periudha e duhur për t’i përdorur. Duke qenë se ndodhemi në sezon festash, perlat janë patjetër një “must”.
