Ditën e sotme këngëtari i dashur për publikun, Aleksandër Gjoka, është arrestuar nga policia.
Polocia bën me dije se artisti është arrestuar në mjetin e tij, pasi akuzohet se po udhëtonte në gjendje të dehur.
Patrulla e policisë e ka ndaluar dhe pasi i është nënshtruar testit të alkoolit është vënë re se nivelin i tij në gjak ishte mbi normën e lejuar.
Kanë qenë efektivët e komisariatit nr.1 ata që kanë ndaluar dhe më pas e kanë shoqëruar për në polici artistin shqiptar.
Njoftimi i policisë:
Nga specialistët e qarkullimit rrugor në Komisariatin e Policisë Rrugore u bë arrestimi në flagrancë i shtetasit: A. Gj., 60 vjeç, banues në Tiranë.
Arrestimi i tij u bë pasi më datën 23.12.2019, rreth orës 00.15, është ndaluar nga shërbimet e Komisariatit të Policisë Nr 4 në rrugën “Sotir Caci” duke drejtuar mjetin veturë, tip ‘Chevrolet”.
Pas testimit me aparat “Drager”, nga shërbimet e Policisë Rrugore rezultoi se ky shtetas drejtonte mjetin në gjendje të dehur në masën 0.66 mg/l.
Materialet i kaluan Prokurorisë se Rrethit Gjyqësor Tiranë, për veprën penale “Drejtimi i automjeteve në mënyrë të parregullt” .
