Alketa Vejsiu ka bërë një status mjaft të çuditshëm sot në Instagramin e saj, duke na dhënë idenë se po i kërkon falje Elvana Gjatës, që nuk fitoi çmimin e parë!
Vendi i parë është kontestuar shumë sot nga fansa dhe artistë, dhe ka pasur pakënaqësi ashtu siç ndodh në çdo festival!
Por tani që pikët u dhanë dhe fituese u shpall Arilena Ara me këngën “Shaj”, duket disi e pavend të thuash që “nuk munda t’i jap zë zërit të publikut”, apo të kërkosh falje sikur të kesh dashur fitoren e Elvanës, por nuk ia ke dhënë dot!
Alketa shprehet se nuk ishte ajo juria, dhe se jurinë nuk e zgjodhi ajo, si për t’u justifikuar përse Arilena fitoi çmimin e parë! Por harron se pikët maksimale të anëtarëve të huaj të jurisë i mori Elvana (shiko këtu).
Ndoshta e ka me jurinë shqiptare, ose në veçanti me Mikaela Mingën që e votoi me 2 pikë Elvanën.
Moderatorja falenderon Elvana Gjatën për këngën e saj ritmike “Me tana”, të cilën e quan “festën e këtij festivali”.
Postimi i plotë i Alketës:
“I uroj sukese Arilenës për fitoren! Sa më mbare për Shqipërinë në Eurovision!
Por nuk mund te le pa falenderuar Elvana Gjaten! Atë qe u klikua ne 2 jave me shume se te gjithë, 3 milion e 500 mije here! Nuk mund ta mohoj qe kënga e saj ishte festa e këtij Festivali! Që Elvana ishte lajmi i këtij edicioni, zëri dhe energjia e rinise qe vallëzoi ne një salle te ngurte, qe beri bashke Shqipërinë, Kosovën dhe Diasporën! Garat shpallin fitues, por jo humbës; sepse hitet nuk vdesin kurrë.
Pas këtij Festivali qe e kam bere me shpirt, mund te them qe skam qene dhe s’do bëhem kurrë palë me asnjë juri, për asnjë motiv!
Besoj tek meritokracia dhe me vjen thellësisht keq që në platformën e këtij Festivali nuk munda dot t’i jap zë, zërit të publikut! Me falni nëse ju kam zhgënjyer! Kuptoj dhe respektoj ndjeshmërinë tuaj! Mi kurseni akuzat ju lutem! Unë nuk isha juria, dhe jurinë s’e zgjodha unë!
Elvana Faleminderit! Ti erdhe ne këtë Festival sepse besove tek vizioni im! Ti s’kishe nevoje për garë për te konfirmuar atë qe je, sepse ti thjesht Je!
https://www.instagram.com/p/B6aie-hnTWh/
