Pak ditë më parë një foto e Amarda Toskës për rikthimin në “Portokalli” na çuditi të gjithëve dhe na bëri të mendojmë se moderatorja do t’i kthehet spektaklit të humorit.
Dhe me sa duket, lajmi është i vërtetë por Ami nuk do të jetë e vetmja që do ta bëjë këtë gjë. Bashkë me 14 artistë të tjerë si Ermal Mamaqi, Besart Kallaku, Amarda Toska, Eneda Tarifa, Mariana Kondi e të tjerë, ajo do të rikthehet për mbrëmjen e ndërrimit të viteve në ekranin e Top Channel.
Altin Basha ka thënë për Top Channel se ‘’Sweet Home” do të jetë emri i shfaqjes këtë vit si për të treguar që të gjithë janë rikthyer në familje.
Shumë figura të njohura të ekranit që kanë spikatur në fillimet e karrierës pikërisht në Portokalli i janë përgjigjur pozitivisht ftesës së regjisorit për të qenë pjesë e tryezës së çdo shqiptari në datën 31 dhjetor.
