Një yll dhe një planet jashtë sistemit diellor janë tashmë në pronësi të Shqipërisë!
Anëtarja e Akademisë së Shkencave, Mimoza Hafizi bëri me dije se emrat e tyre janë vendosur nga Bashkimi Ndërkombëtar i Astrofizikantëve, i cili certifikoi zgjedhjen e bërë nga Shqiptarët për planetin që më parë quhej HD82886b dhe yllin ku ai rrotullohej.
Planeti është vendosur që të quhet “Arbër”, ndërsa një yll do të mbajë emrin “Illyrian”. Ata janë 400 vite dritë larg planetit Tokë.
POSTIMI I PLOTË:
Një planet në Galaktikë do të ketë emrin ARBER, ndërsa një Yll në yllësi, do të ketë emrin ILLYRIAN. Shqipëria përfundimisht në hapësirën qiellore do të ketë emrat e saj.
Një gjë e tillë është vendosur sot nga Bashkimi Ndërkombëtar i Astrofizikantëve që certifikoi sot zgjedhjen e bërë nga Shqiptarët për planetin që më parë quhej HD82886b dhe yllin ku ai rrotullohej.
Këtë lajm të gëzuar për hapësirën qiellore dhe emrat shqiptarë të saj, me urimin për një 2020 të mbarë e ka dhënë shkencëtarja Mimoza Hafizi. Të dy, si planeti dhe ylli që kanë emrat shqiptarë janë 400 vite dritë larg planetit Tokë.
Sot Bashkimi Ndërkombëtar i Astrofizikanëve certifikoi zgjedhjen që mijëra shqiptarë i bënë emrit Arber për planetin HD 82886b dhe emrit Illyrian për yllin rrotull të cilit ai sillet.
Këto dy objekte astronomike ndodhen më shumë se 400 vite-dritë larg nesh, distancë gjigande në dimensionin njerëzor, por e vogël në dimensionin universal, të cilin njerëzimi po përpiqet ta kuptojë, eksplorojë e madje ta pushtojë.
Me këtë zgjedhje, ne shqiptarët dërguam një copë të historisë sonë drejt qendrës së Galaksisë. Le të presim që në këmbim të marrim Urimin Galaktik për jetë të gjatë e mirëqenie të kombit tonë!
Le të jetë planeti Arber një burim dijesh për ne dhe njerëzimin tokësor!
Le të jetë Arberi simboli i progresit të pandalshëm të inteligjencës sonë!
Le të jetë ky planet mik, një pasqyrë për të parë me dashuri Tokën tonë të bekuar, ku natyra na fali jetën.
Gëzuar vitin 2020!
