Prej disa kohësh, moderatorja e ëmbël e ekranit, Kiara Tito, i është përkushtuar kanalit të saj në Youtube.
Aty, Kiara ndan me publikun pjesë nga jeta e saj dhe duket se e ka lënë pak pas dore televizionin.
Por, mbrëmjen e kaluar Agjenti 00Thumb, tha në emisionin “ThumbON”, se Kiara ka ndërmed të rikthehet sërish në “Top Channel”.
Burime për ta thoshin se e kishin parë moderatoren në ambientet e këtij televizioni dhe flitet për një rikthim të mundshëm.
Megjithatë Kiara Tito e kontaktuar nga “Iconstyle” tregoi se ky lajm nuk është i vërtetë.
Moderatorja tregoi se nuk është konfirmuar asgjë dhe ende nuk dihet se ku do e shohim.
Kujtojmë se Kiara hapat e parë drejt suksesit i hodhi në emisionon “Select” që transmetohej në “Top Channel” aty ku spikati për talentin e saj në prezantim.
Më pas u transferua në “TV Klan” ku prezantoi emisionin “Doktor Plastik”.
Ndërsa për të parë se nën logon e kujt televizioni do shfaqet sezonin e ri, na mbetet të presim ende.
