Na ndajnë vetëm pak ditë nga festivali i funvitit në “RTSH” dhe të gjithë jemi kuriozë të dëgjojmë këngët pjesëmarrëse.
Kjo, pasi pjesë e festivalit janë bërë këngëtarë mjaft të njohur të skenës shqiptare.
Mes tyre është edhe Elvana Gjata, e cila merr pjesë për herë të parë në këtë festival.
Epo teksa sot pritet që të publikohen në Youtube këngët pjesëmarrëse, Julka nuk ka duruar dot.
Ajo ka hedhur në Instagram një video të djalit të saj dhe në sfond është kënga e Elvanës.
Moderatorja është kujdesur që të mos dëgjohet kënga, megjithatë nga kërcimi i djalit të saj, shihet se kënga është ritmike.
“Ne kemi gjithmonë privilegjin e të dëgjuarit të parët”, shkruan Julka në video.
Kënga mban titullin “Me tana” dhe Elvana Gjata është kujdesur vetë për detajet e këngës. Teksti dhe muzika është i krijuar nga vetë këngëtarja dhe mezi po presim ta dëgjojmë.
