Në Zelandën e Re ka shpërthyer një vullkan dhe për pasojë kanë mbetur të vdekur 5 persona.
Autoritetet vendase bëjnë me dije se rreziku vazhdon të jetë i lartë dhe deri tani kanë shpëtuar 24 persona. Ata shtojnë se numri i të vdekurve mund të jetë edhe më i lartë pasi një numër i madh njerëzish vazhdojnë të jenë të zhdukur.
Mes tyre edhe një grup turistësh prej 50 personash. Mësohet se ata ishin pranë Ishullit të Bardhë në momentin që shpërtheu vullkani.
“Në këtë fazë, është shumë e rrezikshme që policia dhe shërbimet e shpëtimit të shkojnë në ishull … Ishulli aktualisht është i mbuluar nga tymi dhe hiri dhe ne po marrim këshilla të ekspertëve në lidhje me kushtet për të përcaktuar se kur mund të hyjmë me siguri në ishull.”- është shprehur një zënëdhënës i policisë.
