Presidenti turk Erdogan ka përforcuar premtimin që u bëri shqiptarëbe për t’iu ardhur në ndihmë pas tërmetit të 26 nëntorit.
Në një deklaratë së bashku me kryeministrin Edi Rama pas konferencës së mbajtur në Stamboll, ai foli për “Top Channel” mbi premtimin e tij për ndërtimin e 500 banesave në vend pas tërmetit të 26 nëntorit.
“Do jemi në kontakt me ministren e Kulturës në Shqipëri që të diskutojmë për pjesën e rindërtimit. Do të diskutojmë sërish edhe me kryeministrin Rama për këtë pjesën e ndërtimeve.
Do tu tregojmë shokëve tanë që janë atje edhe për ndërtimet, disa prej tyre do jenë më bazë çeliku. Mendoj që brenda 6 muajve maksimumi deri në një vit ndërtesat do jenë kryer. Për shkak të dimrit do dërgojmë çadra specialisht për dimër për të gjithë ata që janë pa shtëpi”, tha kreu i shtetit turk.
Nga Stambolli, kryeministri Edi Rama ka kërkuar ndihmë për të përballuar dëmet e pallogaritshme nga tërmeti i 26 Nëntorit.
Përmes fjalës së tij Rama falënderoi presidentin e Turqisë Recep Tayip Erdogan pas deklaratës se do të ndërtojë 500 banesa për personat që kanë ngelur pa strehë pas tërmetit.
