Kryeministri Rama ka surprizuar ditën e sotme dy vogëlushët e prekur nga tërmeti, Alesion dhe Aurelin, të cilët u hodhën nga pallatet e tyre duke shpëtuar të gjallë.
Ai i ka siguruar një takim me dy futbollistët e tyre të preferuar, Cristiano Ronaldo-n dhe Gianluigi Buffon, të cilët jo vetëm që i takuan dy djemtë, por edhe i dhuruan bluzet e klubit të tyre së bashku me një autograf.
“Një surprizë për Aurelin dhe Alesjon, dy fëmijët që fluturuan nga dritaret e pallatit të tragjedisë në Thumanë, e që pasi lanë spitalin duhet të rifillojnë rrugën e jetës, që u’a urojmë të gjatë, me shëndet e gëzime
“- shkruan Rama në videon të cilën e publikoi në profilin e tij në Facebook.
https://www.facebook.com/edirama.al/videos/431045421178783/
“Iconstyle” i ka qëndruar pranë vogëlushit Alesio duke vizituar edhe nënën e tij në spital, gjendja shëndetësore e së cilës tashmë është përmirësuar.
Ndërkohë, mamaja e Alesios ende nuk e di që ka humbur nga tërmeti bashkëshortin dhe të bijën.
