Ndonëse qytetarët kaluan disa ditë të vështira për shkak të tërmetit, kthimi në normalitet do të ndihmojë për ta kaluar sa më shpejt këtë situatë.
Kryeministri Edi Rama në një deklaratë të tij tha se urgjentisht qytetet duhet të zbukurohen, pasi në vendin tonë duhet të rikthehet jeta.
Qyteti i parë që po bën përpjekje për t’u zbukuruar është Tiranë.
Ndonëse disa rrugë dhe pjesa e “Pazarit të ri”, ishte zbukuruar, pjesa tjetër nuk vazhdoi të mbushej me drita për shkak të tragjedisë së tërmetit.
Megjithatë sot ka nisur vendosja e shtëpizave për të krijuar “Fshatin e festave”. Bashkë me shtëpizat do të vendosen drita shumëngjyrëshe dhe kjo pjesë ë kryeqytetit pritet të argëtojë fëmijë dhe të rritur.
Pothuajse çdo ditë dhe çdo natë do të ketë një festë në shesh, ku të gjithë qytetarët, jo vetëm të Tiranës, por edhe vizitorë nga i gjithë vendi dhe turistë nga bota, do të mund të shijojnë atmosferën që Bashkia e Tiranës do të sjellë për këtë fundvit.
