Zhylien Varfa do të jetë kryebashkiaku i ri i Durrësit, deri në zgjedhjen e një kryebashkiaku të ri.
Ky vendim u mor sot në mbledhjen e Këshillit Bashkiak të Durrësit pas dorëheqjes së Valbona Sakos.
Varfaj ka mbajtur më herët postin e nën kryetarit të Bashkisë së Durrësit.
Sako ka dhënë dorëheqjen pas deklaratës së hidhur që dha në një intervistë në lidhje me viktimat e tërmetit.
Në një prononcim për gazetaren e “Top Channel”, ish-kryebashkiakja e Durrësit u shpreh se tërmetet e tjera në botë kanë shkaktuar me mijëra viktima, kështu që duhet të jemi të kënaqur me kaq.
“Ky ishte një tërmet shkatërrimtar. Por të jemi të kënaqur edhe me 50 viktima pasi në raste të tjera kanë qenë mbi 100 viktima”.
