Ministrja e Arsimit, Besa Shahini ka njoftuar të gjithë qytetarët për datën e rikthimit të nxënësve dhe studentëve në shkolla.
Me anë të një statusi në Facebook, ajo është shprehur se ende nuk ka një datë për rikthimin në bankat e shkollës pasi godinat duhen rivlerësuar.
“Nxënës, prindër dhe mësues të dashur! Njoftimin zyrtar për rifillimin e mësimit do ta bëj pasi të mbyllim të gjithë analizat e vlerësimeve të infrastrukturave shkollore. Ndaj, MOS MERRNI në konsideratë LAJMET “FAKE” si kjo këtu! Njoftimet e mia i publikoj tek kjo faqe dhe ato pastaj përcillen edhe në kanalet e ndryshme mediatike,“-shkruan ministrja.
