E huaja “Reuters” ka shkruar për tragjedinë e tërmetit që shkundi Shqipërinë më 26 nëntor, duke vënë në vëmendje rastin e familjes Lala në zonën e ish-Kënetës.
Anëtarët e kësaj familjeje u nxorrën të pajetë nga rrënojat, ndërsa i vetmi që shpëtoi ishte 17-vjeçari Ramë Lala.
Ai u nxorr nga rrënojat 10 orë më vonë, ndërsa “Reuters” shkruan se djali është nisur drejt Italisë për të marrë një mjekim më të specializuar.
Sipas medias së huaj, 17-vjeçari shpëtoi vetëm falë lavatrices në shtëpinë e tij. Ajo ishte rrëzuar gjatë lëkundjeve të fuqishme, duke i zënë rrugën Ramë Lalës i cili s’ka mundur të lëvizë.
Lavatriçja i krijoi 17-vjeçarit një hapësirë të mjaftueshme ku mund të qëndronte pa u shtypur nga blloqet e betonit.
