Partnerët italianë të Welcome Albania kanë sjellë në Shqipëri një grup të specializuar emergjencash me pajisjet më të fundit për t’u ardhur në ndihmë të prekurve nga tërmeti.
Giuseppe Trisolini nga Tourmake; Vincezio Chimisio, Konsull Nderi i Shqipërisë në Itali; Iv Tase nga Welcome Albania dhe Alketa Elezi nga Dhoma e Ndërmjetësimit; janë angazhuar për të sjellë një grup të nevojshëm specialistësh.
Ata nisën drejt Shqipërisë 4 autoambulanca dhe 30 vetë staf të specializuar, për t’i ardhur në ndihmë të prekurve nga tërmeti.
Specialistët ndihmuan në nxjerrjen e njerëzve nga rrënojat dhe mbajtjen e tyre në jetë.
Në kuadër të kësaj iniciative të bizneseve, Italia ka nisur të tjera përforcime me mjekë dhe ndihma drejt Shqipërisë.
Ata janë nisur drejt vendit tonë, siç mund ta shihni në pamjet e siguruara nga “Iconstyle.al”.
