Dy të moshuar do të kalojnë natën sonte në pallatin 145 në Laç, i cili është shpallur i pabanueshëm.
Ndue Ruçi është i sëmurë me zemër dhe s’mund të ecë, ndaj bashkëshortja e tij Dave po qëndron në shtëpi me të shoqin.
Ndue nuk mundet të qëndrojë në çadër për shkak të komplikacioneve shëndetësore, ndërsa askush nuk ka ofruar ndihmë për çiftin e moshuar.
Me lot në sy, ata kanë dhënë një intervistë për “Top Channel”, duke treguar se do të qëndrojnë në shtëpinë e shpallur të pabanueshme, pasi nuk kanë ku të shkojnë tjetër.
“Nuk ke çfarë të thuash, është e zotit. Kemi pas frikë por nuk kemi çfarë të bëjmë nuk kemi ku të shkojmë.”- u shpreh Ndue i përlotur.
