Një tjetër tërmet me magnitudë 5.3 ballë tronditi Shqipërinë mesditën e sotme.
Një 27-vjeçar në Kashar, si dhe dy gra në Tiranë, kanë mbetur të plagosur në Tiranë si pasojë e tërmetit të fundit 5,3 ballë që goditi Durrësin dhe Tiranën.
Plagosja e personave vjen pas lëkundjeve të fuqishme ndërsa nuk dihen të tjera detaje për identitetin apo gjendjen e tyre shëndetësore.
Njerëzit kanë dalë në rrugë nga paniku dhe frika e shembjes së banesave dhe druhen të futën brenda dhe të kalojnë mbrëmjen të mbyllur në shtëpi.
Ndërkohë raportohet se në “Rrugën e Kavajës” çahet një pallat, por nuk raportohet për të lënduar.
Gjithashtu në lagjen nr.18 të qytetit të Durrësit është shembur një godinë 4-katëshe, që ishte dëmtuar pjesërisht nga tërmeti i djeshëm. Fatmirësisht brenda banesës nuk kishte asnjë njeri.
