Kryetari i Bashkisë së Tiranës, Erion Veliaj ka njoftuar se dita e nesërme është shpallur ditë zie kombëtare, në nderim të viktimave të tërmetit të mëngjesit të sotëm.
Për këtë arsye Veliaj ka njoftuar se as festimet e planifikuara për Natën e Bardhë nuk do të mbahen.
“E merkura eshte dite zie! Flamujt e Tiranes jane ne gjysme-shtize. Festimet e Nates se Bardhe anullohen. Kush mund te kontribuoje me batanije, veshje & ushqime t’i sjelle neser tek tenda e ndihmave perpara Bashkia. Me dashuri e kurajo, do ringrihemi serish!”, shkruan ai në Instagram.
Kujtojmë se për fat të keq numri i viktimave ka shkuar në 26 dhe bilanci i tyre ndryshon herë pas here.
