Bes Kallaku ka qenë një ndër personazhet e njohura të ekranit shqiptar që ka reaguar për tragjedinë e tërmetit 6.4 ballë, nga i cili pati të paktën 10 viktima.
Aktori i njohur ka publikuar në orët e para të mëngjesit një mesazh në Instagram, për ndjekësit e tij duke ju uruar të jenë mirë.
https://www.instagram.com/p/B5UI76_HdRs/
Ndërsa pak minuta më parë ai publikoi një rast që preku zemrat e të gjithëve. Një gjyshe që shpëtoi nipin e saj me trupin e vet, ka prekur zemrën e aktorit i cili është rritur vetë nga gjyshja e tij.
Besi shprehet se kjo duhet të jetë një ditë reflektimi për këdo:
“Më është copëtuar zemra sot nga kjo tragjedi që preku Shqipërinë e shqiptarët. Për jetët e humbura, për secilin. Por ky lajm i këtij vogëlushi i cili lavdi Zotit doli i gjallë falë gjyshes së tij më këputi shpirtin. Mbase për shkak të marrëdhënies time me gjyshen mi shtoi lotët, pikëllimin, dhe gëzimin që djali është gjallë. Kur njeriu mendon se ka arritur ta sigurojë jetën, se i duket që ka fuqinë për të vendosur për vete e të tjerët, Ai lart e shkund nga themelet, për të na kujtuar sa të vegjël jemi, sa të pafuqishëm jemi, sa falenderues duhet të jemi. Qoftë ditë reflektimi për këdo edhe sjelltë ndërgjegje se krejt kjo frymë e një energjie negative, duhet t’ i lërë vend pozitivitetit, mirësisë, dashurisë për tjetrin dhe të na bëjë më të mirë nesër. Zoti na rujt. ?”.
https://www.instagram.com/p/B5UuHenn2iY/
