Në muajin shkurt, Enca u bë këngëtarja e parë shqiptare me 2 milionë ndjekës në Instagram.
Këngëtarja e festoi këtë arritje e rrethuar nga trëndafilat dhe sigurisht nuk la pa falenderuar ndjekësit e saj.
Tani Enca numëron 2.1 milionë ndjekës, të cilët e suportojnë vazhdimisht.
Por, tani gjendja ka ndryshuar!
Enca nuk është më këngëtarja me më shumë ndjekës dhe vendin e saj e ka zënë Loredana.
Pas sukseseve të vazhdueshme në muzikë dhe karrierës jashtë vendit, Loredana ka arritur 2.2 milionë ndjekës në Instagram.
Kjo e bën artisten si shqiptaren më të ndjekur në këtë rrjet social.
Loredana pak kohë më parë hodhi në treg albumin muzikor “King Lori” dhe koncertet janë të vazhdueshëm.
Në eventin e rëndësishëm muzikor, “MTV” ajo rrëmbeu çmimin artistja më e mirë zvicerane.
