Prej disa ditësh, në media qarkulloi lajmi se ish-banorja e “Big Brother Albania”, Gerta Shino, i kishte dhënë fund marrëdhënies së saj me Florentin.
Më herët, çifti kishte njoftuar se ishte drejt martesës, mirëpo papritur ata fshinë fotot me njëri-tjetrin dhe madje nuk ndiqeshin më në Instagram.
Për më tepër, pak ditë më parë Gerta u pa në shoqërinë e Seldi Qalliut dhe në rrjet nisi të aludohej për një lidhje të re mes tyre.
Gerta i mohoi këto lajme, ndërsa pak më parë ka bërë veprimin që i ka mbyllur gojën të gjithëve.
Ish-banorja publikoi një foto me Florentin, me të cilin duket se është pajtuar dhe marrëdhënia e tyre vazhdon e njëjtë.
Ajo e shoqëroi foton me emojin e një zemre të kuqe, duke shuar kështu çdo thashethem që u përhap për ndarjen e saj dhe lidhjen me Seldi Qalliun.
