Prej kohësh Instagram-i që dikur mbante emrin e Rinës ka marrë emrin e kompanisë muzikore “On Record”.
Faqja që dikur numëronte 500 mijë ndjekës, tani ka 419 mijë të tillë dhe mesa duket ulja e numrit ka ndikuar në faktin e ndryshimit të bërë.
Pas kësaj Rina nuk ka hapur ende një profil të ri dhe së fundmi motra e saj ka njoftuar se ka hapur një peticion.
Peticioni mban emrin “T’i kthejmë Rinës Instagram-in” dhe po qarkullon kudo.
Pas kësaj ish-menaxheri i Rinës, Met Elshani ka reaguar për “Lajmi.net” dhe ka treguar se kjo është thjesht një shaka e gjitha.
“Hajgare janë këto sene, lëreni, mos u merrni”, tha ai.
Më tej, shtoi se derisa nuk ka ndonjë deklaratë nga Rina, çfarë thonë të tjerët nuk është me rëndësi.
“Rina s’ka dhënë kurrfarë deklarate, të tjerë s’janë me rëndësi”, përfundoi Meti.
