Selena Gomez e bëri të qartë dje në Instagram se në të vërtetë nuk ka asnjë dramë që po ndodh mes saj dhe Bella Hadid, pasi kjo e fundit fshiu një postim ku Gomez komentoi.
Por ka një histori tjetër që po përflitet në media dhe lidhet me deklaratën e fundit të Gomez, e cila mbrojti modelen pasi fshiu foton.
“TMZ” raporton se vajzat kanë biseduar me njëra-tjetrën.
Burime të shumta të lidhura me Hadid thanë se modelja pati një takim me këngëtaren këtë fundjavë për të shmangur keqkuptimin.
Drama Gomez- Hadid nisi në vitin 2017 kur Selena nisi të dilte me ish-të dashurin e Bella-s, The Weeknd. Ato e fshinë njëra-tjetra në Instagram dhe morën vëmendjen e fansave dhe mediave për këtë gjë. Gomez dhe The Weeknd u ndanë në tetor 2017.
Këtë nëntor, Gomez komentoi në foton e Hadid në Instagram, duke shkruar: “E mrekullueshme!”
https://www.instagram.com/p/B46yUBwh02v/?utm_source=ig_embed
Por Hadid e fshiu menjëherë postimin pas kësaj, dhe kur një faqe e fansave të Selena Gomez në Instagram vuri re se Hadid e fshiu postimin, Gomez komentoi “Kjo ta shpif”!
Më pas Bella raportohet se i sqaroi Selenës që e fshiu foton thjesht sepse nuk i pëlqente vetja në të, dhe Selena reagoi sërish në publik për të kërkuar falje.
Ajo tha se nuk e dinte versionin e saj para se të komentonte dhe u kërkoi fansave të mos shkruanin keq për modelen!
