Këngëtari i njohur Gjergj Kaçinari, tashmë e ka bërë publike lidhjen me vajzën që i ka rrëmbyer zemrën, Ines.
Ata janë bashkë prej disa kohësh dhe duket se paskan shprehur edhe dëshirën për martesë.
Ditën e sotme i ftuar në emisionin “Rreze dielli” këngëtari i muzikës rock, ka treguar për gjërat që e bashkojnë me Inesin dhe planet për dasmën.
Ai tregoi se për momentin nuk kanë një plan të afërt, megjithatë kanë diskutuar për idenë e ceremonisë.
“Më kanë pëlqyer gjithmonë dasmat, por më pëlqen në formën e një party, të jetë diçka cool. Fatmirësisht të dashurës i pëlqen muzika. Kanë rastisur shumë gjëra që i mendojmë njësoj. Ajo nuk i përket muzikës, por botës së artit po, anon nga piktura, tatutë. Ndoshta do ta bëj këngëtare me zor, mendoj se vlen,” tregon Kaçinari.
Gjergji është bërë i njohur për publikun shqiptar nga pjesëmarrja e tij në “The Voice”
Ai ra në sy për zërin e tij karakteristik dhe sot vazhdon karrierën duke na sjellë herë pas here projekte të reja muzikore.
