Aktori i njohur, James Van Der Beek ka dhënë lajmin e trishtë se gruaja e tij Kimberly pësoi një abort spontan, pasi ishte në pritje të fëmijës së tyre të gjashtë.
“Gruaja ime Kimberly kaloi makthin më të keq të çdo prindi, ne e humbëm fëmijën”, tha aktori, 42 vjeç, në edicionin e së hënës të “Dancing with the Stars”.
Van Der Beek, i cili po garon në sezonin aktual të konkursit të vallëzimit me partneren Emma Slater, tha se ai pothuajse hoqi dorë këtë javë nga konkurrimi.
“Asnjëherë nuk e dini pse ndodhin këto gjëra. Kjo është ajo që unë u kam thënë fëmijëve të mi. Ajo që di është se kjo të afron më tepër së bashku”, u shpreh ai.
Van Der Beek, i cili ka pesë fëmijë me Kimberly-n: Olivia, 9 vjeçe; Joshua, 7; Annabel, 5; Emilia, 3; dhe Gwendolyn, 1; foli me detaje rreth dhimbjes së madhe që po përjeton në vazhdën e tragjedisë familjare.
“Të bën më njerëzor. Unë në të vërtetë nuk mendoja se do të kërceja sot, por Kimberli nga spitali më tha: ‘Dua të të shoh akoma duke kërcyer'”, u shpreh aktori i njohur i serialit të njohur të viteve ’90, “Dawson’s Creek”.
