Presidenti i Serbisë Aleksandar Vuçiç është shtruar me urgjencë në spitalin ushtarak të Beogradit mbrëmjen e së premtes pasi ka shfaqur probleme me shëndetin.
Mediat serbe shkruajnë se presidenti është shtruar në Beograd ndërkohë që të shtunën në mëngjes, zyra e tij e shtypit pranoi me një deklaratë problemet kardiovaskulare.
Zëdhënësja e presidentit Suzana Vasiljeviç tha se shëndeti i presidentit është i qëndrueshëm, por ai do të vazhdojë të qëndrojë në spital për kontrolle të mëtejshme.
Sipas mediave serbe, 49 vjeçari vuan nga presioni i lartë i gjakut, por nuk japin të tjera detaje për gjendjen shëndetësore.
