Këngëtarja e famshme Pink ishte e pranishme mbrëmjen e kaluar në eventin “Country Music Associatiom Awards”, së bashku me bashkëshortin dhe dy fëmijët e saj.
Pink rrëfeu për “Entertainment Tonight” sa ka ndërmend të largohet nga muzika për një kohë ende të pacaktuar, pasi ka ndërmend t’i përkushtohet familjes.
Këngëtarja tregoi se u bënë dy vite e gjysmë që punon pa pushuar dhe tashmë është koha që ajo të mbajë fëmijët, ndërsa bashkëshorti t’i dedikohet karrierës së tij.
“U bënë dy vite e gjysmë me regjistrime dhe turne dhe Willow është rikthyer në shkollë, ndërsa Jameson do të jetë parashkollor së shpejti, prandaj ky është viti i familjes.
Carey ka gjithashtu shumë gjëra për të bërë. Ai më mbështet shumë. Më ndjek rreth botës dhe tani është radha e tij.”- është shprehur këngëtarja, e cila me siguri do t’i mungojë fansave.
Vetëm një muaj më parë, Pink solli këngën e saj më të re të titulluar “Hurts to be human”, që ishte një bashkëpunim me Khalid.
