Këngëtarja shqiptare me famë botërore, Rita Ora, ishte e pranishme së bashku me të ëmën e saj në eventin e 50-vjetorit të organizatës së njohur bamirëse “Centrepoint” në Londër, ku do të performojë për bamirësi.
Mamaja e ka shoqëruar Ritën gjatë përgatitjes në dhomën e grimit, duke e filmuar teksa ajo rregullohej për të dalë në skenë.
Ndërkohë që filmonte videon, Vera dëgjohet ta përkëdhelë në shqip të bijën duke e quajtur ‘Nanush’, ndërsa vetë Rita zbuloi edhe një tjetër nofkë.
Ajo ripostoi videon e së ëmës në InstaStory, ndërsa krahas saj ka shkruar “Nanush, rrush”, duke zbuluar edhe një tjetër fjalë shqipe që e përdorin për të përkëdhelur njëra-tjetrën.
