Sipas parashikimit të Insititutit të Gjeoshkencave, Energjisë, Ujit dhe Mjedisit, ditën e sotme priten reshje mesatare në qarqet Shkodër, Kukës, Lezhë, Vlorë dhe Gjirokastër.
Reshjet më intensive do të jenë kryesisht në qarqet Shkodër, Kukës dhe Vlorë.
Në qarqet e tjera priten reshje të dobëta apo mesatare.
Gjithashtu, në orët e vona të pasdites, reshjet do të shoqërohen me shtrëngata në Shkodër, Kukës dhe Vlorë.
Temperaturat do të arrijnë nga 13 deri në 19 gradë celsius në zonat e ulëta dhe në bregdet, ndërsa 7 deri në 14 gradë celsius në zonat malore.
