Stadiumi i ri kombëtar do të quhet “Air Albania Stadium”.
Ky do të jetë emri që do të mbajë stadiumi më i madh i ndërtuar në vendin tonë, sipas “Top Channel”.
Kompania ajrore shqiptare është përzgjedhur si fituesja e tenderit për të blerë emrin e stadiumit kombëtar për 5 vitet e ardhshme për një shifër prej 650.000 eurosh në vit.
Kjo ishte oferta më e madhe financiare që i është ofruar shoqatës “Qendra Sportive Kuqezi”, e cila administron stadiumin e ri kombëtar.
Ky është një emër komercial sigurisht, edhe pse nuk është i pari emër komercial që mbajnë stadimet anëmbanë Europës.
Në Bundesligë 80% e stadiumeve kanë emra komercialë, ndërsa në Premier League janë 30% e impianteve me emra të tillë, 10% në Serie A dhe Ligue 1 dhe 5% në La Liga-n e Spanjës.
/TCH
