Alvin Berisha ka dalë nga kampi katër ditë më parë dhe dje ka mbërritur në kryeqytetin sirian.
Tre ditë ai ka qëndruar në një vend të sigurt në Qamishli, një fshat të veri të Sirisë ndërsa ditën e djeshme u trasnsferua në një vend të sigurt në Damask.
Report.tv shkruan se ditën e sotme, nëse nuk ka pengesa të tjera burokratike, pritet që Alvini të shoqërohet nga Kryqi i Kuq ndërkombëtar dhe të shkojë në Bejrut, e më pas drejt Italisë, ku jeton prej vitesh babai dhe dy motrat e tij.
Alvini u dërgua në Siri nga nëna e tij, Valbona Berisha, kur ishte vetëm 6 vjeç.
Vogëlushi është dëmtuar në këmbë si pasojë e një shpërthimi dhe ka probleme në të ecur.
