Ajo është shumë atdhetare dhe asnjëherë nuk e ka harruar origjinën e saj, pavarësisht se famën ia fali skena angleze! Dua Lipa ka planifikuar të mbajë një koncert “live” në Prishtinë. Lajmin e bëri të ditur vet këngëtarja, përmes një postimi në profilet e saj të rrjeteve sociale, në “Facebook” dhe “Instagram”.
Ajo njofton se të gjithë fansat dhe ata që pëlqejnë muzikën e saj do të mund ta ndjekin në vendlindje, në një koncert “live” që do të mbahet më 9 gusht.
Lajmin e mirë, Dua e ka shoqëruar edhe me komentin “Më në fund një koncert në vendlindje”, çfarë lë të kuptohet se prej shumë kohësh e ka pritur këtë rast.
Dua Lipa, ndonëse vetëm 20 vjeç, vijon të shijojë sukseset e njëpasnjëshme të hiteve të saj, duke numëruar 201 mijë ndjekës në “Instagram “ dhe 186 mijë në “Facebook”.
Ende nuk bëhen të ditura detajet e koncertit, veç faktit që ai do të mbahet në Parkun Kombëtar të Gërmisë.
