Kur bëhet fjalë për personazhet e famshëm të showbizit dhe artistët e skenës muzikore shqiptare, si rrallëherë, të gjithë bien dakord se Miriam Cani është padyshim një ndër emrat më të dashur.
Falë talentit të padiskutueshëm, zërit engjëllor, por edhe karakterit të ëmbël, Miriami është kthyer nga një këngëtare e suksesshme edhe në një personazh super popullor në rrjetet sociale, ku prej kohësh na tregon se përveç cilësive të sipërpërmendura, ka edhe një stil mbresëlënës.
Nga veshjet e përditshmërisë, tek fustanet e mbrëmjes dhe aksesorët e rafinuar e elegantë, Miriam Cani ka dëshmuar se ajo di ç’zgjedh.
Ndaj dhe neve na ka mbetur mendja tek një prej fotove të saj të fundit. Në foton në fjalë, artistja mban në qafë një varëse rrëzëllitëse të “Teuta Gold” që duket sikur është bërë enkas për të.
Në zinxhirin e saj delikat, varet një engjëll krahëhapur, nga i cili varësja ka marrë dhe emrin e saj: “Guardian Angel”.
Sikurse mësuam më tej nga ekspertët e argjendarisë në “Teuta Gold”, “Guardian Angel” është krijuar për të përcjellë një mesazh dashurie e mbrojtjeje hyjnore, për të kujtuar dikë që e konsideron engjëllin tënd mbrojtës, apo për t’ja dhuruar dikujt që të është gjendur gjithnjë në krah.
Por përtej vlerës sentimentale, ajo që e bën akoma më të çmuar varësen “Guardian Angel” është ekselenca e punimit të saj.
E realizuar në flori solid 18 karat dhe e punuar në perfeksion në teknologjinë 3D, varësja “Guardian Angel” është një ndër shembujt më të mirë të punës së shkëlqyer të argjendarëve të “Teuta Gold”.
Dhe për ta bërë mbajtësen e saj të ndihet vërtet speciale, a ka më mirë se gurët e çmuar? Në versionin e saj më të kërkuar dhe më magjepsës, “Guardian Angel” vjen e dekoruar me 10 diamantë natyralë të vendosur në krahët e engjëllit që i japin një shkëlqim gati hipnotizues që ka bërë për vete edhe personazhe të tjerë si Kejvina Kthella apo Lei Kraja.
Ndërsa në versionin e saj më të moderuar, varësja punohet vetëm me flori me një sipërfaqe aq të lëmuar sa ngjason me një reflektim pasqyre.
Ashtu si çdo produkt i krijuar në “Teuta Gold”, varësja “Guardian Angel” është e vulosur me emrin e kompanisë dhe kodin e saj unik, si dhe vjen e shoqëruar me certifikatat e sigurisë për floririn dhe diamantet, për një eksperiencë blerjeje tërësisht të sigurt.
