Lideri i ISIS, Abu Al Baghdadi, u vetëvra gjatë një sulmi të forcave amerikane.
Mediat e huaja shkruajnë se Abu coi drejt vdekjes edhe tre nga fëmijët e tij.
Kur e pa që nuk kishte më rrugëzgjidhje dhe forcat i ishin vënë nga pas, ai u fut në një tunel dhe aktivizoi eksplozivin në jelek.
Trupi i tij ishte i gjymtuar nga shpërthimi dhe identifikimi i tij u bë pas testeve te ADN-së.
Vetëm pak orë pas vdekjes së tij, ushtria amerikane ka varrosur në det pjesët e mbetura të trupit të liderit të ISIS, njësoj si lideri i Al-Qaeda-s, Osama bin Laden.
Operacioni i fshehtë filloi rreth orës 05:00 të mëngjesit me orën lokale, ndërsa tetë helikopterë që transportonin trupat speciale amerikane, depërtuan ne territorin e rrezikshëm drejt bazës në veri të Sirisë, në fshatin Barisha të Idlib ku ndodhej Abu Bakr al-Baghdadi. Shumë avionë të tjerë amerikanë dhe anije u përfshinë gjithashtu në mision.
