E dinit që një yll dhe një planet jashtë sistemit diellor janë në pronësi të Shqipërisë?
Anëtarja e Akademisë së Shkencave, Mimoza Hafizi, ishte e ftuar sot në “Ftesë në 5” ku na prezantoi me pesë çiftet e emrave që janë propozuar për të emërtuar përkatësisht yllin dhe planetin.
Vetëm se ka diçka që duhet të dini fillimisht. Emrat do të jenë mashkullorë.
Kombinimet e emrave janë si më poshtë:
Ilyrian dhe Gent; Arbër dhe Gjergj; Drin dhe Shkumbin; Korab dhe Tomorr si dhe Mirditë dhe Miras.
Këto propozime lidhen me emra historikë dhe gjeografikë shqiptarë.
“Ky është një planet shumë i madh, është planet gjigand në formë gazore dhe është e sigurt që aty s’ka jetë. Mund të jetë një planet fqinj me të që nuk e kemi zbuluar që mund të ketë jetë, por ky nuk ka jetë dhe nuk e di, kisha një ndjesi jo të mirë që t’i jepja emrin e një gruaje një planeti që është pa jetë, se gruaja është jeta, është pjelloria”, tha profesoreshë Hafizi.
Shqiptarët kanë rreth dy javë kohë për të votuar çiftin e tyre të preferuar të emrave të lartpërmendur, duke klikuar (këtu). Pasi të hapni linkun, vendosni email-in tuaj dhe do t’ju shfaqet kjo renditje, ku duhet të votoni:
