Taylor Swift u vu në shënjestër për nisjen e një historie të re romance me aktorin Tom Hiddleston, menjëherë pas ndarjes nga ish-i dashuri i saj prej një viti Calvin Harris. Veç kritikave të fanseve, një deklaratë e ashpër për të vjen nga Kim Kardashian, e cila risolli një debat të kaluar.
Në intervistën e saj për “GQ”, Kim u shpreh se Taylor Swift thjesht po përpiqet “të luajë rolin e viktimës sërish”, lidhur me vargjet e këngës “Famous”, ku Kanye West thotë: “Them se unë dhe Taylor mundet ende të bëjmë seks/ Pse? Unë e bëra atë b*shtër të famshme”.
Kim u shpreh se Taylor jo vetëm që ishte vënë në dijeni për këtë pjesë të këngës së Kanye, por edhe kishte dhënë aprovimin e saj.
“Ajo e dinte shumë mirë se çfarë do të thuhej. Krejt papritur, vendosi të sillej sikur nuk e dinte. Ju betohem, bashkëshortit tim i hedhin kaq shumë baltë përsipër kur ai në fakt ka ndjekur edhe protokollin e madje e ka telefonuar për të marrë aprovimin”, shprehet Kim.
Ajo shtoi se e gjithë skena e telefonatës ku ajo shprehet tërësisht dakord me çdo gjë, është e filmuar. Madje Kim thotë se këngëtarja Taylor u ka dërguar një letër përmes avokatit të saj, ku thuhej se ata nuk duhej të guxonin të nxirrnin pamjet e videos së bisedës.
“Shumë njerëz të respektuar të industrisë muzikore e dëgjuan atë bisedë dhe e dinin. Dua të them, ai më ka quajtur edhe mua b*shtër në këngët e tij. Këto fjalë përdoren dhe në fjalimin e saj në Grammy, ajo sulmoi bashkëshortin tim vetëm për të luajtur sërish rolin e viktimës”, deklaron Kardashian.
Burimi: Elle
