Moderatorja dhe spikerja e lajmeve në “News 24” Ola Bruko, nuk do të jetë më moderatore e progamit shumë të ndjekur “Shqiptarët për shqiptarët”.
Mbrëmjen e kaluar emisioni ka nisur puntatën e parë për këtë sezon dhe u vu re se Ola nuk ishte në studio, emisioni u drejtua vetëm nga Elvis Naçi dhe Sidrit Bejleri.
Pas kësaj reagimet në rrjetet sociale kanë qenë të shumta dhe Bruko ka treguar se është larguar pa dëshirën e saj.
“Mirëmbrëma te gjithëve!
Ndjej detyrimin të shkruaj dy fjalë për të gjithë ata njerëz që kanë nisur të më shkruajnë që prej orës 21.00 kur në ekranin e News24 nisi sezonin e ri emisioni aq shumë i dashur për mua dhe për ta “Shqiptarët për shqiptarët”. Për ata por edhe për të tjerët që pyesin veten “çfarë po ndodh?”.. Une nuk do të jem më moderatorja e programit tuaj të dashur, por vetem pjesë e ekipit të tij.
Ky nuk ishte një vendim i imi!
Do dëshiroja që askush të mos ndikohej nga ky detaj për të dhënë kontributin për ata njerëz që kanë vërtet halle e nuk duan të dinë fare se kush moderon e kush jo!
Une vazhdoj të besoj te mirësia! Uroj edhe ju!”-shkruan ajo në një njoftim në rrjetet sociale.
