Pas ndarjes nga ish-bashkëshorti, Liam Hemsworth dhe nga mikesha e saj e ngushtë, Caitlynn Carter, këngëtarja Miley Cyrus nisi një tjetër lidhje.
Tashmë, ajo është në krahët e shokut të saj, Cody Simpson, romancën me të cilin s’ka ngurruar ta tregojë për publikun që në fillimet e saj.
Në rrjete sociale dyshja ka ndarë foto me njëri-tjetrin dhe megjithëse Miley s’ka folur publikisht për lidhjen e re, ishte Cody ai që e konfirmoi zyrtarisht romancën e tyre.
Në një intervistë për “Hollywoodlife” ai ka treguar se nuk është më single.
Madje, këngëtari është shumë i lumtur me Miley-n krah tij.
“Jam shumë i lumtur, ajo është kreative dhe e bën gjithçka me pasion.”- u shpreh ai, duke e vlerësuar publikisht këngëtaren.
Nga ana tjetër, edhe ish-i i Miley-t, Liam Hemsworth, ka nisur një lidhje të re me aktoren Maddison Brown, 2 muaj pas divorcit të tij.
Dyshja u fotografua duke shkëmbyer puthje pasionante rrugëve të New York-ut, duke konfirmuar kështu lidhjen e tyre.
