Disa javë më parë emisioni investigativ “Stop” bëri publik rastin e një pedagogu në Elbasan dhe një studenteje.
Pedagogu Denis Himçi i kërkonte studentes favore seksuale në këmbim të provimeve.
Pas kësaj Himçi u pezullua nga puna dhe policia bëri menjëherë arrestimin e tij.
Tashmë është marrë edhe vendimi për fatin e tij dhe Gjykata e Krimeve të Rënda ka vendosur masën “arrest me burg”.
Derisa çështja të zbardhet e plotë Himçi do të qëndrojë në burg dhe i pezulluar nga puna.
Kujtojmë se pas arrestimit, pedagogu i Elbasanit kaloi në gjendje shoku dhe u dërguar pranë QSUT-së, për të marrë ndihmën mjekësore.
