Dy ditë më parë, qyteti i Kavajës u trondit nga vrasja e Dritan Haxhollit, i cili ishte i dashuri jashtë martese i Marsida Qatjas.
Pasi Dritani nuk pranonte ndarjen, Marsida kishte kërkuar ndihmën e mikut të saj, policit Bledar Toçi, i cili pas konfliktit ka qëlluar mbi Dritanin me armën e shërbimit duke e lënë të vdekur.
Ndërkohë, bashkëshorti i Marsidës ndodhej në burg në Gjermani.
Pas hetimit të policisë, në apartamentin ku ndodhi ngjarja u gjetën edhe disa gramë kokainë, ndërsa Marsida ka pranuar së fundmi se ishte konsumuese e saj.
Sipas “Panoramës”, vetë Marsida kishte deklaruar para oficerit të Policisë Gjyqësore se kokainën e konsumonte në raste të rralla.
Përsa i përket kokainës së gjetur në shtëpi mbrëmjet e krimit, ajo tregoi se kishte konsumuar, por kokaina nuk ishte blerë nga ajo. Marsida e kishte gjetur në pjatë, ku sipas saj e kishte vendosur miku i saj Xhulio, i cili ishte gjithashtu i pranishëm në shtëpi në momentin e vrasjes.
