22-vjeçarja miliardere Kylie Jenner na prezantoi sot me zyrat e saj luksoze, por gjatë këtij veprimi dha dhe një mesazh mjaft të qartë për marrëdhënien e saj me partnerin Travis Scott.
Kylie na ka treguar për herë të parë ambientet e zyrës së saj gjigante, e veshur me një fustan të zi dhe gjejeni çfarë tjetër, varësen me diamante që i dhuroi Travis me dizajnin e buzëve të Kylie Cosmetics.
Ajo e kishte vendosur gjatë prezantimit si për të treguar se dëshiron që të rregullojë raportin me babanë e vajzës së saj, pasi vendosën të bëjnë një pushim të shkurtër.
Më herët, burimet për median E News bëjnë me dije se ata janë duke u përpjekur për t’u rikthyer sërish bashkë, pasi u ndanë disa javë më parë.
“Të dy e dinë se është e pashmangshme. Ata vetëm kanë nevojë për hapësirë për të zgjidhur disa nga çështjet e tyre. Ata duan ta bëjnë marrëdhënien të funksionojë dhe të dy janë shprehur se i ka marrë malli dhe janë akoma të dashuruar me njëri-tjetrin”.
