Ditën e djeshme, qyteti i Kavajës u trondit nga ngjarja që ndodhi në mesnatë ku mbeti i vrarë Dritan Haxholli.
Viktima ishte në një lidhje jashtëmartesore me Marsida Qatjan, bashkëshorti i së cilës ndodhej në burg në Gjermani.
Dritani nuk pranonte t’i jepte fund lidhjes me Marsidën dhe vazhdimisht e kishte kërcënuar, ndaj kjo e fundit kishte kërkuar ndihmën e policit Bledar Toçi për ta zgjidhur këtë situatë.
Siç u mësua më vonë, Bledari ishte në një lidhje me Marsidën dhe në zënkë e sipër me Dritanin, ai ka nxjerrë armën e shërbimit dhe ka qëlluar mbi Dritanin.
Pas ngjarjes së rëndë, Marsida e cila është nënë e tre fëmijëve, ka folur për marrëdhënien me Dritanin, siç mund ta lexoni në deklaratën e publikuar nga “Joq.al”.
“Situata doli jashtë kontrollit. Ai ishte impulsiv. Nuk mund të vazhdoja të qëndroja më me të. Me Bledar Toçin njihesha prej vitesh dhe i kërkova ndihmë. Ai më ka ndihmuar bashkë me Xhuljo Biturku dhe Ermir Çela, të cilët janë komshinjtë e mi. Ata i ftova unë në banesë, pasi tërë ditën Dritani më kishte telefonuar duke më kërcënuar për jetën. Unë isha mësuar me një situatë të tillë por u tremba kur më tha se do të më merrte fëmijën 2-vjeç dhe për këtë kërkova ndihmën e Bledar Toçit. Kam tre fëmijë. 4 vite më parë u divorcova dhe nga ajo martesë kam dy fëmijë. Jam martuar dy vite më parë dhe burrin e kam në burg në Gjermani. Ai del pas pak muajsh, dhe kjo ishte arsyeja që nuk doja të vazhdoja më me Dritanin”– ka rrëfyer ajo.
