Një dramë e re po lind në showbiz dhe bëhuni gati, merrni kokoshkat sepse thuhet se do të bëhet e madhe!
Babai i Drake, Dennis Graham, u shfaq në emisionin radiofonik të Nick Cannon dhe mohoi pretendimet e mëparshme të të birit Drake, se ka qenë një baba që ka munguar gjithnjë në jetën e këngëtarit.
Ai madje jo vetëm që mohoi këto akuza, por bëri dhe një deklaratë tjetër, kur tha se Drake e ka përdorur për të shitur albumet e tij.
“Unë gjithmonë kam qenë me Drake. Unë flas me të, nëse jo çdo ditë, atëherë çdo ditë tjetër. Ne me të vërtetë bëmë një bisedë të thellë për këtë. Unë i thashë: ‘Drake, pse po i thua të gjitha këto gjëra të ndryshme për mua?. ‘Ai tha:’Babi, kjo gjë shet'”.
Kjo gjë nuk i ka pëlqyer aspak këngëtarit, i cili u zgjua një ditë në mëngjes dhe bëri një deklaratë ku shprehej se është mërzitur:
“U zgjova sot shumë i lënduar. Babai im do t’i thotë çdogjë kujtdo që është i gatshëm ta dëgjojë atë. Është e trishtueshme kur familja bëhet kështu, por çfarë mund të bëjmë me të vërtetë! Këta janë njerëzit me të cilët kemi të bëjmë. Çdo gjë që kam thënë është e vërtetë dhe e vërteta është e vështirë për disa njerëz që ta pranojnë”.
Epo Drake me sa duket duhet t’i bëjë një telefonatë Meghan Markle dhe të qajë hallet me të, pasi kur bëhet fjalë për baballarët të cilët nuk ndalojnë së dhëni intervista të çuditshme për mediat, ata kanë shumë të përbashkëta.
/Cosmopolitan
