Deputeti demokrat Myslim Murrizi, kërkoi pak ditë më parë nga Kuvendi, miratimin e një vendimi, që do t’u mundësonte deputetëve të rinj, të merrnin kredi pa interes, ose me interesa të ulëta, për blerje banesash në Tiranë.
Edhe pse marrin rroga, dieta, apo trajtime financiare që i kalojnë 2 milionë lekë të vjetra në muaj, kreu i Kuvendit, e adresoi këtë kërkesë te Bashkia e Tiranës.
Derisa bashkia të marrë një vendim, Kuvendi ka vendosur që t’i trajtojë deputetët e rinj me bonus qiraje.
Në total për muajin gusht dhe shtator, nga buxheti i shtetit janë marrë 14 milionë lekë të vjetra, shkruan “Gazeta Shqiptare”.
Pagesa është bërë për 21 deputetë të rinj, të cilët kanë deklaruar se nuk kanë shtëpi në Tiranë.
Gjithashtu vërehet një rënie e vlerës totale që Kuvendi harxhon për pagat, dietat dhe shpërblimet e deputetëve, duke qenë se janë më të paktë në numër, krahasuar me një vit më parë.
Aktualisht në Kuvend trajtohen me pagë vetëm 113 deputetë, pasi disa vende janë bosh, ndërsa pjesa e mbetur paguhen nga ministritë përkatëse.
Për gushtin e kaluar, Kuvendi ka paguar 210 milionë lekë të vjetra, ndërsa për të njëjtën periudhë në këtë vit, janë paguar 180 milionë lekë.
Aktualisht Kuvendi trajton me pagë vetëm 113 deputetë, kjo pasi disa vende në Kuvend mbetëm pa u plotësuar, ndërsa një pjesë tjetër e deputetëve janë dhe ministra dhe si të tillë paguhen nga ministritë përkatëse.
Më konkretisht, në gusht të vitit 2018 Kuvendi ka paguar për vetëm për paga 210 milionë lekë
Deputetët arrijnë të marrin 2.5 milionë lek të vjetra nga karburanti, telefoni, qiratë, dietat apo honoraret.
Përsa i përket parave të karburantit, varet nga largësia e zonës elektorale nga Tirana.
Deputetët që marrin rimbursim qiraje:
1.Ilirian Pendavinji
2.Edmond Leka
3.Xhevit Bushaj
4.Edlira Bode
5.Fadil Nasufi
6.Fatmir Velaj
7.Luan Harusha
8.Dritan Bici
9.Senida Mesi
10.Niko Peleshi
11.Majlinda Halilaj
12.Nimet Musaj
13.Enada Kapllani
14.Arlind Çacani
15.Halil Jakimi
16.Nikolin Staka
17.Selami Jenisheri
18.Kostaq Papa
19.Vasil Sterjovski
20.Ervis Meço
21.Artemis Dralo
