Disa ditë më parë, këngëtari Ermal Fejzullahu dhe partnerja e tij, Ariana, u bënë prindër për herë të katërt.
Ariana solli në jetë një vajzë, pas një djali e dy vajzave të tjera.
Çifti e pagëzoi të voglën me emrin Ana dhe menjëherë pas lindjes, Ariana nuk ka ngurruar ta ndajë portretin e ëngjëllit të saj me ndjekësit në Instagram.
Ermali i priti në shtëpi bashkëshorten dhe vogëlushen me një super surprizë, pasi e kishte zbukuruar të gjithë shtëpinë me fjongo e tollumbace.
Sot, Ariana ka ndarë në Instagram portretin e parë të të gjithë familjes së bashku me Anën.
Ata kanë pozuar në shtëpi, teksa Ariana mban në krahë foshnjen, ndërsa pranë saj qëndrojnë tre fëmijët e tjerë dhe Ermali.
“Pasuria më e madhe që unë kam është familja ime.”- shkruan bashkëshortja e këngëtarit krahas fotos së tyre të ëmbël.
